أحمدي نجاد كسب يارجاااااله.....مبروك ياجدعان
بس هي كانت هاتفرق ايه لو كان خسر و موسوي هو اللي كسب
و لا حاجه كل مافي الامر ان احنا شكلنا كل يوم بيبقي أوحش من اللي قبله و لا عارفين نعمل ديمقراطيه و لا نيله و لا حتي انتخابات زي إيران.......الفرق فيها بين المرشحين هو الاسم و بس .
محافظين إصلاحين كله هايكمل المشروع النووي و هايدعم المقاومه
و هايقوي تحالفاته مع امريكا الجنوبيه و خصوصا فنزويلا و تشافيز و يشتم و يسب و يلعن في أمريكا و إسرائيل. يعني من الاخر إيران عامله حاجه كدا زي ماتقول ممكن نسميها ديمقراطية الحزب الواحد، حزب الخامنئي و فرقة الملالي بتوعه و فقهاء قم"المدينه اللي خرج منها الخومنئي و كبار رجال الحركه الشيعيه في إيران و برا إيران كمان" .
حاجه كدا زي المخابرات الأمريكيه و المؤسسات بتاعتهم اللي بتمشي الرئيس الامريكي علي كيفها مهما كان و مهما حاول يعمل.....و الدليل موجود فقبل نجاد كان الرئيس محمد خاتمي و هو من الإصلاحين و في عهده انتصرت المقاومه اللبنانيه و انسحبت إسرائيل من جنوب لبنان و قامت الإنتفاضه الفلسطينيه و إيران كانت بتدعم و بتدي السلاح للناس دي كلها.....يعني من الاخر اللي مستنين إيران تنخ و تسلم مفاتيحها للأمريكان يبقوا بيحلموا .
أضغط علي الصوره هاتشوف صور قمه في الروعه عن الإنتخابات الإيرانيه .
مدونة حدتو http://7edto.blogspot.com/
13 يونيو, 2009
فوز أحمدي نجاد ...و ديمقراطية الحزب الواحد
0 التعليقات:
إرسال تعليق